ជោគជ័យក្នុងការប្រកួតប្រជែង "ការអប់រំ និងការកែសម្រួលលំនៅឋានសម្រាប់យុវជន (YEAH!)"

កម្មវិធី Youth Education and Adjustment Housing (ការអប់រំ និងការកែសម្រួលលំនៅឋានសម្រាប់យុវជន, YEAH!) ផ្ដល់ជំនួយពាក់ព័ន្ធនឹងលំនៅឋានមានស្ថិរភាព ការបណ្តុះបណ្តាលជំនាញជីវិត ជំនួយហិរញ្ញវត្ថុ និងការគាំទ្រផ្នែកសុខុមាលភាពដល់យុវជនដែលកំពុងផ្លាស់ប្ដូរវ័យ (18-26) ក្នុងទីក្រុង Long Beach ដែលកំពុងជួបប្រទះភាពគ្មានផ្ទះសម្បែង ឬស្ថានភាពរស់នៅមិនមានស្ថិរភាព។ ក្នុងរយៈពេលប្រាំមួយសប្ដាហ៍ អ្នកចូលរួមនឹងចូលរួមក្នុងការអប់រំលំនៅឋាន ចំណេះដឹងផ្នែកហិរញ្ញវត្ថុ សុខុមាលភាព និងសិក្ខាសាលាស្តីពីការអភិវឌ្ឍកម្លាំងពលកម្ម ដើម្បីផ្ដល់ឱ្យពួកគេនូវឧបករណ៍ចាំបាច់សម្រាប់ការរស់នៅដោយឯករាជ្យ។ នៅឆ្នាំនេះ កម្មវិធីនេះកំពុងពង្រីកខ្លួន ដើម្បីបម្រើអ្នកចូលរួមជាង 20 នាក់ ដោយរួមបញ្ចូលសិក្ខាសាលាស្ដីពីសុខភាពផ្លូវចិត្ត និងផ្លូវកាយរបស់ Core Mentality និងការណែនាំឱ្យស្គាក់ពីជំនួយសម្រាប់ការបង់ប្រាក់ជាមុនក្នុងទម្រង់ជាប្រាក់ខែ $300 (កាតអំណោយ) ដែលផ្ដល់ជូនដល់អ្នកចូលរួមម្នាក់ៗនៅពេលបញ្ចប់កម្មវិធី ដើម្បីជួយធានាលំនៅឋានដែលមានស្ថិរភាព។ អានបន្ថែម...

តម្លៃប៉ានស្មាន: $50,000

ជ្រើសរើស     ដកចេញ

Casa Youth Shelter “U.S.E.F.U.L. (ការយល់ដឹងអំពីស្ថិរភាព និងការផ្ដល់ភាពអង់អាចដល់ការរស់នៅដែលគ្មានអ្វីធ្វើឱ្យរង្គោះរង្គើបាន) 101”

សូមណែនាំឱ្យស្គាល់ពី៖ “U.S.E.F.U.L. 101”។ U.S.E.F.U.L. 101 គឺជាកម្មវិធីដែលមានបំណងកែប្រែគំនិតស្ដីពី "ថ្នាក់រៀនដែលគ្មានប្រយោជន៍"។ កម្មវិធីនេះនឹងផ្ដល់ភាពអង់អាចដល់យុវជនដោយផ្ដល់ជូវជំនាញសំខាន់ៗសម្រាប់ជីវិត តាមរយៈសិក្ខាសាលាដែលមានភាពទាក់ទាញជាបន្តបន្ទាប់។ មានចាប់ពីការអប់រំសុខភាពផ្លូវចិត្តនិងសង្គម រហូតដល់អាជីព និងជំនាញធ្វើម្ហូប អ្នកចូលរួមនឹងទទួលបានឧបករណ៍ និងធនធានជាក់ស្តែង ដើម្បីបន្តគោលដៅជីវិតរបស់ពួកគេ និងភ្ជាប់ទំនាក់ទំនងជាមួយបណ្តាញគាំទ្រ។ ជាលទ្ធផល គ្មានផ្លូវដែលអ្នកអាចបញ្ចប់កម្មវិធីនេះ ហើយនៅតែសួរថា "តើខ្ញុំអាចប្រើវានៅក្នុងជីវិតពិតបានដោយរបៀបណា?" នោះទេ អានបន្ថែម...

តម្លៃប៉ានស្មាន: $50,000

ជ្រើសរើស     ដកចេញ

23 Seeds of Greatness (23 គ្រាប់ពូជនៃភាពអស្ចារ្យ)

កំពុងរករដូវក្តៅដែលពោរពេញទៅដោយដំណើរផ្សងព្រេង ការរកឃើញដោយខ្លួនឯង និងការចងចាំដែលមិនអាចបំភ្លេចបានឬ? 23 Seeds of Greatness គឺជាកម្មវិធីដ៏សំខាន់ដែលអ្នកនឹងភ្ជាប់ទំនាក់ទំនង រីកចម្រើន និងរីករាយជាមួយយុវជនផ្សេងទៀតមកពីជុំវិញទីក្រុង Long Beach! វាមិនមែនគ្រាន់តែជាកម្មវិធីមួយនោះទេ វាគឺជាចលនាដែលត្រូវបានរចនាឡើងដើម្បីជួយអ្នកបង្កើនសុខភាពផ្លូវចិត្ត ផ្លូវកាយ និងផ្លូវអារម្មណ៍របស់អ្នក។ អ្នកនឹងស្វែងយល់ថាតើអ្នកជានរណា បង្កើតមិត្តភាពដ៏រឹងមាំ និងជួបប្រទះសកម្មភាពដ៏គួរឱ្យរំភើបដូចជា សកម្មភាពខាងក្រៅ និងការដើរលេង ឧទ្យានទឹក ឆ្នេរសមុទ្រ សួនកម្សាន្ត និងកន្លែងសម្រាកលំហែរកាយក្នុងធម្មជាតិដែលផ្លាស់ប្តូរជីវិត។ ក្នុងអំឡុងពេលកម្មវិធីរដូវក្តៅ 8 សប្តាហ៍នេះ អ្នកនឹងចូលរួមក្នុងសកម្មភាពកសាងក្រុមដ៏មានអានុភាព សិក្ខាសាលាសុខភាពផ្លូវចិត្ត និងសុខុមាលភាព និងដំណើរកម្សាន្តដ៏វិសេសដែលធ្វើឱ្យការរៀនអំពីការថែទាំខ្លួនឯង ភាពអត់ធន់ និងសហគមន៍មានភាពសប្បាយរីករាយ និងមានឥទ្ធិពល។ យើងក៏នឹងនិយាយអំពីប្រធានបទសំខាន់ៗដូចជា ការទប់ស្កាត់អំពើហិង្សា និងការបង្កើតកន្លែងសុវត្ថិភាព ដើម្បីឱ្យអ្នកអាចមានអារម្មណ៍ថាមានភាពអង់អាចនៅក្នុងជីវិតប្រចាំថ្ងៃរបស់អ្នក។ នៅចុងរដូវក្តៅ អ្នកនឹងទទួលបានមិត្តភាពអស់មួយជីវិត ឧបករណ៍គ្រប់គ្រងភាពតានតឹង និងបន្តអារម្មណ៍ពោពេញដោយគោលបំណង និងក្តីសង្ឃឹមសម្រាប់អនាគត ទន្ទឹមនឹងនោះក៏មានពេលវេលាសម្រាប់ជីវិតរបស់អ្នកផងដែរ! កុំខកខានឱកាសឥតគិតថ្លៃនេះក្នុងការវិនិយោគលើខ្លួនអ្នក ភ្ជាប់ទំនាក់ទំនងជាមួយមនុស្សដ៏អស្ចារ្យ និងបង្កើតរដូវក្តៅមួយដើម្បីចងចាំ។ អានបន្ថែម...

តម្លៃប៉ានស្មាន: $50,000

ជ្រើសរើស     ដកចេញ

YMCA “The Y Not Project (គម្រោងហេតុអ្វីក៏មិនធ្វើ)”

🏀🏐 យុវជនទីក្រុង Long Beach ចង់បានកីឡា និងកម្សាន្តរដូវក្តៅឥតគិតថ្លៃដែរទេ? 🎮🏊 សាកស្រមៃថា៖ ការប្រកួតបាល់បោះរដូវក្តៅដោយឥតគិតថ្លៃ (អាយុ 8-17 ឆ្នាំ) ជំរំបាល់ទះយុវជនឥតគិតថ្លៃ សមាជិកភាពយុវជន YMCA ឥតគិតថ្លៃ និងកម្មវិធីជប់លៀងរដូវក្តៅឥតគិតថ្លៃជាមួយនឹងឡានហ្គេម! ស្តាប់ទៅដូចជារដូវក្តៅដ៏អស្ចារ្យ មែនអត់? ហេតុអ្វីមិនបោះឆ្នោតដើម្បីធ្វើឱ្យវាកើតឡើង! YMCA នៃ Y Not Project របស់ Greater Long Beach ត្រូវការសំឡេងឆ្នោតរបស់អ្នកដើម្បីធ្វើឱ្យកម្មវិធីដ៏គួរឱ្យរំភើបទាំងនេះកើតឡើងបាន - ការលើកកម្ពស់សុខភាព សុខុមាលភាព និងអនាគតដ៏ភ្លឺស្វាងសម្រាប់យុវជនទីក្រុង Long Beach។ ដោយមានគុណតម្លៃស្នូលរបស់យើងជាត្រីមុខ - ភាពស្មោះត្រង់ ការយកចិត្តទុកដាក់ ទំនួលខុសត្រូវ និងការគោរព - យើងត្រៀមខ្លួនរួចរាល់ហើយដើម្បីផ្តល់ឱ្យអ្នកនូវរដូវក្តៅដែលមិនអាចបំភ្លេចបាន។ ជាប្រាក់រង្វាន់ ប្រសិនបើអ្នកចុះឈ្មោះចូលរួមកម្មវិធីបាល់បោះ ឬបាល់ទះឥតគិតថ្លៃរបស់យើង អ្នកនឹងទទួលបានសមាជិកភាព YMCA រដូវក្តៅដោយឥតគិតថ្លៃ (អាយុ 14-17 ឆ្នាំ)! ហើយសម្រាប់អ្នកដែលមានអាយុ 18-24 ឆ្នាំ យើងក៏ទទួលអ្នកផងដែរ! យើងនឹងចាប់ផ្តើមការប្រកួតបាល់ទាត់ក្នុងអគារដោយឥតគិតថ្លៃរយៈពេល 10 សប្តាហ៍សម្រាប់អ្នក។ វាមិនត្រឹមតែជាកីឡាទេ—វាគឺជាការកសាងជំនាញ ទំនុកចិត្ត មិត្តភាពពេញមួយជីវិត និងអនុស្សាវរីយ៍មិនអាចបំភ្លេចបាន។ ដូច្នេះ ហេតុអ្វីមិនបោះឆ្នោតឱ្យ YMCA នៃ Greater Long Beach និងជួយយើងនាំយកឱកាសមិនគួរឱ្យជឿនេះមកសហគមន៍របស់អ្នកទៅ! អានបន្ថែម...

តម្លៃប៉ានស្មាន: $50,000

ជ្រើសរើស     ដកចេញ

Books & Buckets "Summer YOUth Games (ហ្គេមយុវជនរដូវក្តៅ)"

រដូវក្តៅនេះ Books & Buckets នឹងដំណើរការហ្គេមយុវវ័យរដូវក្តៅ។ ជាកម្មវិធីឥតគិតថ្លៃ និងមានសកម្មភាពច្រើនសម្រាប់មនុស្សវ័យក្មេង (អាយុ 8-18 ឆ្នាំ) នៅសាលា Franklin Middle School។ សកម្មភាពទាំងអស់មានដូចជាបាល់បោះ ការងារជាក្រុម ភាពជាអ្នកដឹកនាំ និងការផ្តល់នូវកន្លែងដែលមានសុវត្ថិភាព និងរីករាយក្នុងការរីកចម្រើនទៅមុខ។ រៀងរាល់ថ្ងៃសៅរ៍ ចាប់ពីថ្ងៃទី 5 ខែកក្កដាដល់ថ្ងៃទី 23 ខែសីហា អ្នកចូលរួមនឹងប្រកួតប្រជែងនៅក្នុងហ្គេមបែបកីឡាបាល់បោះដូចជា ការញាក់បាល់ភ្លើងក្រហមភ្លើងបៃតង ការប្រកួតប្រជែងញាក់បាល់ (Dribble Carousel Challenge) ការញាក់បាល់កាត់ក្រោមរបារ (Dribble Bridge Challenge) និងការបោះបាល់បញ្ចូលទី (Full Court Frenzy)។ ហ្គេមទាំងនេះលើកកម្ពស់ការងារជាក្រុម ការប្រាស្រ័យទាក់ទង និងការអភិវឌ្ឍជំនាញកីឡាបាល់បោះ ទន្ទឹមនឹងនោះក៏បង្កើនទំនុកចិត្ត និងបង្រៀនមេរៀនជីវិតផងដែរ។ គោលដៅរបស់យើងគឺទទួលបានយុវជនប្រហែល 30-40 នាក់នៅទូទាំងទីក្រុង Long Beach។ យើងក៏ផ្តល់ការលើកទឹកចិត្តល្អៗដូចជា បាល់បោះ អាវដែលមានស្តាយល៍ Squid Games កាតកាដូ និងកញ្ចប់ថែទាំដែលមានសម្ភារៈសំខាន់ៗរបស់សាលា និងឧបករណ៍កីឡាបាល់បោះ។ អ្នកដែលមិនខកខានវគ្គណាមួយនឹងទទួលបានកាតកាដូ $100! តាមរយៈការគាំទ្រសំណើរបស់យើង អ្នកកំពុងជួយធ្វើឱ្យកម្មវិធីដ៏គួរឱ្យរំភើបនេះក្លាយជាការពិត និងផ្តល់ឱកាសឱ្យយុវជនទទួលបានបទពិសោធរដូវក្តៅ ដែលមិនអាចបំភ្លេចបាននូវភាពសប្បាយរីករាយ ការរីកចម្រើន និងសហគមន៍។ សូមកុំខកខាន ចូលរួមសកម្មភាពនេះ! អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

សាលាសិចសាស្ត្រ "Sexapalooza"

ចូរប្រឈមមុខនឹងវា—ការអប់រំអំពីផ្លូវភេទនៅតាមសាលារៀនស្ទើរតែគ្មាន។ នោះគឺជាហេតុដែលគម្រោងសាលាសិចសាស្ត្រលេចចេញជារូបរាងឡើង។ យើងនឹងធ្វើឱ្យការអប់រំអំពីផ្លូវភេទមានភាពសប្បាយរីករាយ និងដោយគ្មានការខ្មាសអៀន។ ស្រមៃមើលថាបើមិត្តល្អបំផុតរបស់អ្នកបានចូលក្រុមជាមួយ Bill Nye និង Cardi B—មែនហើយ បែបហ្នឹងហើយ! រដូវក្តៅនេះ យើងបង្កើតភាពរស់រវើកតាមរយៈពិធីបុណ្យឥតគិតថ្លៃចំនួន 3 ដែលប្រារព្ធពីការអប់រំអំពីផ្លូវភេទ។ វាផ្តល់នូវ Smart and Spicy Summer (រដូវក្តៅឆ្លាតវៃ និងទាក់ទាញ)! រំពឹងថានឹងមានហ្គេម អាហារ តន្ត្រី សិក្ខាសាលា សិប្បកម្ម ការផ្ដល់ជូនឥតគិតថ្លៃ និងភាពរស់រវើកពេញលក្ខណៈ បូករួមទាំងការនិយាយពិតៗអំពីរាងកាយ ព្រំដែន ភាពរីករាយ និងការការពារ។ ពិធីនីមួយៗមានប្រធានបទរៀងៗខ្លួន៖ ព្រឹត្តិការណ៍ភ្លាមៗសប្បាយៗ៖ គិតអំពីការជួបជាមួយមនុស្សគួរឱ្យទាក់ទាញនៅផ្សាររាត្រី 626 ជាមួយនឹងចម្រៀង K-pop។ ផ្តិតយករូបភាពគួរឱ្យស្រលាញ់ ញ៉ាំអាហារសម្រន់សប្បាយៗ និងពិតណាស់ គឺស្វែងយល់អំពីលិង្គ និងយោនី (តើយោនីជាអ្វី? វាជាឈ្មោះពិតរបស់ទ្វារមាស។ នេះគឺជាចំណេះដឹង!) វាគួរឱ្យចូលចិត្ត និងមានលក្ខណៈអប់រំ។ រដូវក្តៅដ៏ឆាបឆួល Soirée៖ តើអ្នកជាស្រីស្អាតបែបជនបទមែនទេ? ស្រីស្អាតសម័យឆ្នាំកៅសិបជាង? ជាទេពធីតា? អ្នកតំណាង Y2k ឬ? នេះជាពិធីជប់លៀងរបស់អ្នក។ មកស្លៀកពាក់ដើម្បីបង្ហាញ រាំលេងពេលយប់ និងជ្រើសរើសអ្វីគ្រប់យ៉ាងដែលអ្នកត្រូវការដើម្បីការពារភាពលេចធ្លោរបស់អ្នក (និងសុខភាពរបស់អ្នក)។ ព្រឹត្តិការណ៍ Freak Fest៖ រដូវកាលព្រឺក្បាលជិតមកដល់ហើយ! យើងនិយាយលម្អិតអំពីការការពារជំងឺកាមរោគ ជាមួយនឹងពេលវេលាដ៏ល្អគួរឱ្យខ្លាច។ រៀនពីរបៀបការពារខ្លួនអ្នកពេលស្រែក (ដោយភាពសប្បាយរីករាយ មិនភ័យខ្លាច)។ ព្រឹត្តិការណ៍ទាំងអស់គឺ៖ ឥតគិតថ្លៃ សម្រាប់តែមនុស្សវ័យជំទង់ (តម្រូវឱ្យមានឯកសារសម្គាល់ខ្លួនសិស្ស មិនអនុញ្ញាតមនុស្សពេញវ័យទេ!) ជាកន្លែងសុវត្ថិភាពក្នុងការបង្ហាញជាខ្លួនអ្នក សួរអ្វីក៏បាន និងរៀនអ្វីគ្រប់យ៉ាង ត្រៀមខ្លួនធ្វើឱ្យការអប់រំអំពីសិចសាស្ត្រដែលមានភាពទាក់ទាញហើយឬនៅ? បោះឆ្នោតឱ្យពួកយើង និងធ្វើឱ្យរដូវក្តៅនេះមានភាពសិចស៊ី សុវត្ថិភាព និងឆ្លាតវៃខ្លាំងបំផុត អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

Breaking the Cycle "Breaking the Cycle of Generational Trauma (ការបំបែកវដ្តនៃការប៉ះទង្គិចផ្លូវចិត្តតជំនាន់)"

តើអ្នកត្រៀមខ្លួនក្នុងការគ្រប់គ្រងអនាគតរបស់អ្នក និងរួចផុតពីវដ្ដដែលបង្កគ្រោះថ្នាក់ហើយឬនៅ? Breaking the Cycle គឺជាកម្មវិធីដែលដឹកនាំដោយយុវជននៅទីក្រុង Long Beach សម្រាប់យុវជនដែលត្រៀមខ្លួនរួចជាស្រេចដើម្បីប្រឈមមុខនឹងការប៉ះទង្គិចផ្លូវចិត្តតជំនាន់ បង្កើតទំនាក់ទំនងដ៏មានអត្ថន័យ និងឈានដល់សក្តានុពលពេញលេញរបស់ពួកគេ។ អាហារនឹងត្រូវបានផ្តល់ជូនសម្រាប់រាល់ការប្រជុំ (Wingstop, Raising Canes, In-N-Out និងសំណើផ្សេងៗទៀត)។ ក្រៅពីនេះ យើងផ្តល់អាហារូបករណ៍ ម៉ោងការងារស្ម័គ្រចិត្ត កម្មសិក្សា និងឱកាសការងារ។ នេះ​ជា​កន្លែង​សុវត្ថិភាព​ដែល​អ្នក​អាច​បើក​ចំហ​អំពី​ប្រធាន​បទ​សំខាន់ៗ ដូចជា​គ្រួសារ មិត្តភាព ស្នេហា និង​ការ​កំណត់​ព្រំដែន។ មិនថាអ្នកចង់កសាងទំនុកចិត្ត សម្រេចគោលដៅផ្ទាល់ខ្លួន ឬ​ភ្ជាប់ទំនាក់ទំនងជាមួយមនុស្សយល់ចិត្តទេ កម្មវិធីនេះគឺសម្រាប់អ្នក។ សូមស្វាគមន៍ទាំងអស់គ្នា ជាពិសេសអ្នកដែលមកពីសាវតារចម្រុះ។ អ្នកអាចស្វែងរកពួកយើងនៅក្នុងវគ្គជួបផ្ទាល់ប្រចាំសប្តាហ៍របស់យើងនៅ Long Beach Public Library (បណ្ណាល័យសាធារណៈក្នុងទីក្រុង Long Beach)។ នៅចុងបញ្ចប់នៃកម្មវិធី 8 សប្តាហ៍របស់យើង យើងរៀបចំពិធីបញ្ចប់ការសិក្សា រួមទាំងវិញ្ញាបនបត្រសម្រាប់អ្នកដែលបានបញ្ចប់កម្មវិធី។ ប្រសិនបើអ្នកកំពុងស្វែងរកកន្លែងមួយដែលមានមនុស្សស្ដាប់អ្នក មានការគាំទ្រ និងទទួលបានការជំរុញភាពអង់អាចនោះ Breaking the Cycle គឺជាកន្លែងសម្រាប់អ្នក។ សាច់រឿងរបស់អ្នកមិនត្រូវបានកំណត់ដោយអតីតកាលនោះទេ អ្នកមានអំណាចក្នុងការកែសាច់រឿងរបស់អ្នកឡើងវិញ។ ចូលរួមជាមួយ Breaking the Cycle និងក្លាយជាខ្លួនឯងដែលល្អបំផុត! អានបន្ថែម...

តម្លៃប៉ានស្មាន: $50,000

ជ្រើសរើស     ដកចេញ

Champion’s Sōl កម្មវិធីសុខភាព និងលំហាត់ប្រាណយុវជននៃ " The Sōl Within You (Sōl នៅក្នុងខ្លួនអ្នក)"។

មករក Sōl នៅក្នុងខ្លួនអ្នក!” នៅ Champions Sōl យើងអញ្ជើញយុវជនឱ្យ "ស្វែងរក Sōl នៅក្នុងខ្លួន"។ វាគឺជាការប្តេជ្ញាចិត្តចំពោះកម្មវិធីរដូវក្តៅដែលត្រូវបានបង្កើតឡើងសម្រាប់យុវជនថ្នាក់មធ្យមសិក្សា (អាយុ 8-13 ឆ្នាំ) និងវិទ្យាល័យ/មនុស្សវ័យជំទង់ (អាយុ 14-26 ឆ្នាំ) ដោយណែនាំពួកគេអំពីមូលដ្ឋានគ្រឹះនៃលំហាត់ប្រាណ និងសុខុមាលភាពនៅក្នុងបរិយាកាសដែលមានសុវត្ថិភាព ការគាំទ្រ និងស័ក្ដសមសម្រាប់អ្នកចាប់ផ្តើមដំបូង។ អ្នកចូលរួមទទួលបានការណែនាំដោយផ្ទាល់អំពីបច្ចេកទេសកម្ដៅសាច់ដុំត្រឹមត្រូវ ការសន្ធឹងដៃជើងប្រកបដោយប្រសិទ្ធភាព និងការហ្វឹកហាត់កម្លាំងគោល។ ពួកគេក៏នឹងទទួលបានការយល់ដឹងអំពីកាយវិភាគសាស្ត្រមូលដ្ឋាន ប្លង់ចលនា និងលំហាត់ប្រាណជាចលនាច្រើនផងដែរ។ កម្មវិធីនេះមានទម្លាប់លំហាត់ប្រាណដែលផ្តោតលើវិន័យ ការស្តារថាមពលឡើងវិញ ការងារជាក្រុម អាហារូបត្ថម្ភ និងគណនេយ្យភាពផ្ទាល់ខ្លួន។ វគ្គធ្វើឡើងនៅថ្ងៃចន្ទ ពុធ និងថ្ងៃសុក្រ ចាប់ពីម៉ោង 3:00 ដល់ 6:00 ល្ងាច ដំណើរការចាប់ពីថ្ងៃទី 2 ខែកក្កដា ដល់ថ្ងៃទី 12 ខែកញ្ញា។ ការហាត់ប្រាណនីមួយៗបញ្ចប់ដោយការទទួលទានអាហារដែលមានជីវជាតិនៅនឹងកន្លែង ដើម្បីគាំទ្រដល់ការស្ដារថាមពលឡើងវិញ និងពង្រឹងទម្លាប់ទទួលទានអាហារដែលល្អដល់សុខភាព។ អ្នកចូលរួមទាំងអស់បំពេញកម្រងសំណួរសុខភាពបន្ទាន់ ដើម្បីធានាសុវត្ថិភាព ការបណ្តុះបណ្តាលមានលក្ខណៈផ្ទាល់ខ្លួន និងតម្រូវឱ្យមានការអនុញ្ញាតពីមាតាបិតាសម្រាប់អ្នកដែលមានអាយុក្រោម 18 ឆ្នាំ។ ទីបំផុត កម្មវិធីនេះត្រូវបានរៀបចំឡើងក្នុងគោលបំណងផ្តល់ភាពអង់អាចដល់យុវជនជាមួយនឹងផ្នត់គំនិត និងទំនុកចិត្តជាជើងឯកពិតប្រាកដ ជំរុញកម្លាំងខាងក្នុង ភាពអត់ធន់ និងសុខុមាលភាពទូទៅ។ សូមមើលវីដេអូណែនាំ៖ https://youtube.com/shorts/dbD5abPDLuI អានបន្ថែម...
វីដេអូក្នុងយូធូប

តម្លៃប៉ានស្មាន: $25,000

ជ្រើសរើស     ដកចេញ

Devotion Fitness “Sunset Boxing, Pickleball, & Wellness (ប្រដាល់ តិន្នីសកាត់ប៉េងប៉ុង និងហាត់ប្រាណពេលថ្ងៃលិច)”

Devotion Fitness ផ្ដល់ជូនវគ្គហាត់ប្រដាល់ តិន្នីសកាត់ប៉េងប៉ុង និងស្គីមានកង់ដោយឥតគិតថ្លៃ 8 សប្ដាហ៍សម្រាប់មនុស្សអាយុ 12-26 ឆ្នាំនៅទីក្រុង Long Beach! គោលដៅរបស់យើងគឺបង្កើតកន្លែងដែលមានលក្ខណៈស្វាគមន៍ ដែលមនុស្សគ្រប់រូបអាចទទួលបានអត្ថប្រយោជន៍នៃការធ្វើចលនា និងសហគមន៍ដោយគ្មានសម្ពាធពីវប្បធម៌មិនល្អនៅក្លឹបហាត់ប្រាណ។ កម្មវិធីរដូវក្តៅរបស់យើងលើកកម្ពស់សុខុមាលភាពទូទៅតាមរយៈការទទួលយកគ្រប់ប្រភេទរាងកាយ និងអត្តសញ្ញាណយេនឌ័រទាំងអស់។ គោលបំណងរបស់យើងគឺផ្តល់ជូននូវការកាត់បន្ថយភាពឯកោនៅក្នុងផ្ទះនារដូវក្តៅលើកទី 3 គាំទ្រសុខភាពផ្លូវចិត្តនិងផ្លូវកាយ ជំរុញឱ្យមានការកសាងសហគមន៍ និងផ្តោតលើការថែទាំសហគមន៍។ ថ្នាក់លំហាត់ប្រាណដោយការប្រដាល់នៅខាងក្រៅរបស់យើងត្រូវបានបង្កើតឡើងសម្រាប់គ្រប់ប្រភេទរាងកាយ និងអត្តសញ្ញាណយេនឌ័រទាំងអស់ - ស័ក្តិសមសម្រាប់អ្នកទើបចាប់ផ្ដើមដំបូង និងល្អឥតខ្ចោះសម្រាប់អ្នកដែលចង់ផ្សារភ្ជាប់ឡើងវិញជាមួយរាងកាយរបស់ខ្លួននៅក្នុងបរិយាកាសដែលមានការគាំទ្រ។ ថ្នាក់ទាំងនេះផ្តល់នូវទំនុកចិត្ត គ្មានការប្រកួតប្រជែង និងសម្ពាធនៃការសម្រកទម្ងន់។ ប្រសិនបើអ្នកកំពុងស្វែងរកអ្វីដែលបន្ធូរអារម្មណ៍បានច្រើន វគ្គតិន្នីសកាត់ប៉េងប៉ុងរបស់យើងគឺជាវិធីដ៏រីករាយ និងមានផលប៉ះពាល់ទាបក្នុងការធ្វើលំហាត់ប្រាណ ខណៈរីករាយនឹងអាកាសធាតុដ៏ល្អ។ ងាយស្រួលរៀន! យើងនឹងមានទីធ្លាឯកជន អាហារសម្រន់ដ៏ឈ្ងុយឆ្ងាញ់ និងគ្រូបង្ហាត់ដើម្បីបង្រៀនអ្នក! យើងក៏នឹងរៀបចំវគ្គជិះស្គីមានកង់ពេលថ្ងៃលិចផងដែរ - ដោយរៀងរាល់សប្តាហ៍ អ្នកនឹងរៀនក្បាច់រាំ ញ៉ាំអាហារឆ្ងាញ់ៗរួមគ្នា និងជជែកលេង ខណៈធ្វើការកសាងសហគមន៍។ រីករាយជាមួយការចាប់ឆ្នោត អារម្មណ៍ស្វាគមន៍ក្នុងការបង្កើតទំនាក់ទំនងសង្គម និងបង្កើតទំនាក់ទំនងយ៉ាងស៊ីជម្រៅ។ Devotion Fitness មានមោទនភាពក្នុងនាមជាអង្គភាពតែមួយគត់នៅក្នុងទីក្រុង Long Beach ក្នុងការបង្កើតជាថ្មីនូវវប្បធម៌ប្រដាល់ និងសុខុមាលភាព ដោយលើកកម្ពស់បរិយាបន្ននៅក្នុងកន្លែងហាត់ប្រាណដែលភាគច្រើនជាបុរស។ ចូលរួមជាមួយយើង និងក្លាយជាផ្នែកមួយនៃសហគមន៍វិជ្ជមាន និងបង្កើនភាពអង់អាចរបស់យើង! អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

M.O.R.E Mothers’ “Summer Full Of Art (រដូវក្តៅពោរពេញដោយសិល្បៈ)”

យុវជនរបស់យើងដែលមានអាយុពី 8-15 ឆ្នាំ ត្រូវការបរិយាកាសសុវត្ថិភាព និងការគាំទ្រដើម្បីរីកចម្រើន រៀនសូត្រ និងលូតលាស់ប្រកបដោយភាពច្នៃប្រឌិត។ ចេញក្រៅនៅរដូវក្ដៅនេះ និងស្វែងយល់ពីសមត្ថភាពច្នៃប្រឌិតរបស់អ្នកតាមរយៈការគូរគំនូរ ការគូររូប បង្កើតផ្ទាំងចក្ខុវិស័យ កំណាព្យ/ការសរសេរបែបច្នៃប្រឌិត និងការថតរូប។ បរិយាបន្ននៃកម្មវិធីរបស់យើង—សម្រាប់យុវជនដែលមានសមត្ថភាពទាំងអស់—បង្រៀនអំពីការយល់ដឹង ការទទួលយក ការកសាងសហគមន៍ និងបំណិនជីវិតប្រកបដោយប្រសិទ្ធភាព។ រួមជាមួយនឹងថ្នាក់មធ្យមសិល្បៈ យុវជននឹងអាចយកសម្ភារៈមកផ្ទះពីសិក្ខាសាលានីមួយៗដែលពួកគេចូលរួម។ កម្មវិធីនេះនឹងជំរុញទឹកចិត្តយុវជនឱ្យស្វែងយល់ពីចំណង់ចំណូលចិត្តដែលបានរកឃើញថ្មីផ្នែកសិល្បៈ និងចាកចេញទៅជាមួយឧបករណ៍ដើម្បីប្រើប្រាស់សិល្បៈជាការព្យាបាល ជាទម្រង់ល្អមួយក្នុងការង្ហាញពីខ្លួនឯង និងជាទីតាំងសម្រាប់សុខុមាលភាព។ យើងបម្រើដល់អ្នកចូលរួមជាយុវជនរហូតដល់ 200 នាក់ ដោយមានយុវជន 20 នាក់ក្នុងមួយថ្នាក់ ពួកគេនឹងត្រូវបានគាំទ្រ និងអាចចូលរួមសិក្ខាសាលានៅពេលដែលថ្នាក់ផ្ដល់ឱ្យ។ ចូលរួមជាមួយយើងសម្រាប់រដូវក្តៅពោរពេញដោយសិល្បៈ! នាំមិត្តភក្តិរបស់អ្នកមក • រចនាសម្ព័ន្ធកម្មវិធី • 10 ថ្នាក់ - សិក្ខាសាលាសិល្បៈ 1.5 ម៉ោង • យកសម្ភារៈមកផ្ទះពីសិក្ខាសាលានីមួយៗដែលបានចូលរួម។ អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

Project Optimism “B.O.L.D. ថ្នាក់សិក្សារដូវក្ដៅ(កុមារាសម្រាប់ភាពជាអ្នកដឹកនាំសុទិដ្ឋិនិយម និងការអភិវឌ្ឍ)”

ថ្នាក់សិក្សារដូវក្ដៅ កម្មវិធី Boys of Optimism Leadership Development (កុមារាសម្រាប់ភាពជាអ្នកដឹកនាំសុទិដ្ឋិនិយម និងការអភិវឌ្ឍ, BOLD) គឺជាកម្មវិធីដ៏រីករាយ និងមានការគាំទ្រសម្រាប់ក្មេងប្រុសថ្នាក់ទី 8 និងទី 9 ក្នុងការត្រៀមខ្លួនសម្រាប់ថ្នាក់វិទ្យាល័យ និងអាជីពនាពេលអនាគត។ តាមរយៈសកម្មភាពសហការផ្ទាល់ បទពិសោធវប្បធម៌ និងការបង្ហាត់បង្រៀន អ្នកនឹងកសាងទំនុកចិត្ត រីកចម្រើនក្នុងនាមជាអ្នកដឹកនាំ និងរៀនពីរបៀបរក្សាការផ្តោតអារម្មណ៍ និងភាពវិជ្ជមាន។ BOLD ជួយយុវជនឱ្យដើរលើផ្លូវត្រូវ និងផ្ដល់ឱ្យពួកគេនូវឧបករណ៍ ដើម្បីបង្កើតអនាគតដ៏រឹងមាំ និងជោគជ័យ។ កម្មវិធីរយៈពេល 6 សប្ដាហ៍ ចាប់ផ្តើមពីថ្ងៃទី 30 ខែមិថុនា ដល់ថ្ងៃទី 8 ខែសីហា នៅថ្ងៃចន្ទ អង្គារ និងថ្ងៃព្រហស្បតិ៍ ចាប់ពីម៉ោង 12 ដល់ម៉ោង 4 រសៀល។ ថ្ងៃចន្ទ និងថ្ងៃអង្គារ នឹងផ្តោតលើមេរៀនអន្តរកម្ម ការណែនាំ និងអាហារថ្ងៃត្រង់។ ថ្ងៃព្រហស្បតិ៍គឺជា City Exploration Days (ថ្ងៃដើររុករកក្នុងទីក្រុង, CED) ដែលក្រុមនឹងធ្វើដំណើរចុះដល់ទីតាំង ដ៏គួរឱ្យរំភើបដែលភ្ជាប់ទៅនឹងប្រធានបទសុខុមាលភាពប្រចាំសប្ដាហ៍ ដោយផ្ដល់ឱ្យយុវជននូវឱកាស ដើម្បីរៀនសូត្រតាមរយៈបទពិសោធជាក់ស្តែង រុករកកន្លែងថ្មីៗ និងបង្កើតជំនាញភាពជាអ្នកដឹកនាំ។ BOLD គឺជាជំរំរដូវក្ដៅដែលយុវជនភ្ជាប់ទំនាក់ទំនងជាមួយអ្នកណែនាំនៅមហាវិទ្យាល័យ កសាងទំនុកចិត្ត រុករកប្រធានបទជីវិតពិត និងត្រៀមខ្លួនដើម្បីដឹកនាំនៅវិទ្យាល័យ និងលើសពីនេះ។ អ្នកដឹកនាំ BOLD មិនត្រឹមតែត្រូវបានរៀបចំសម្រាប់វិទ្យាល័យប៉ុណ្ណោះទេ ពួកគេត្រូវបានបំពាក់បំប៉នដោយចក្ខុវិស័យ ការប្តេជ្ញាចិត្ត និងសុទិដ្ឋិនិយម ដើម្បីលើកកម្ពស់ និងលើកទឹកចិត្តសហគមន៍របស់ពួកគេ។ រដូវក្ដៅនេះ យើងកសាងអ្នកដឹកនាំ។ រដូវក្ដៅនេះ យើងជ្រើសរើសសុទិដ្ឋិនិយម។ អានបន្ថែម...

តម្លៃប៉ានស្មាន: $50,000

ជ្រើសរើស     ដកចេញ

បេសកកម្មមួយថៃ "Punches in Bunches (ដាល់ញាប់ជាប់ៗគ្នា)"

មួយថៃ ឬ 'ក្បាច់ទ្វាប្រាំបី' គឺជាការវាយប្រហារយ៉ាងមុតស្រួចផ្អែកលើសិល្បៈក្បាច់គុន។ តាមរយៈបេសកកម្មមួយថៃ យើងមានគោលបំណងបង្រៀនសិស្សរបស់យើងឱ្យសម្រេចបាននូវគោលដៅលំហាត់ប្រាណផ្ទាល់ខ្លួនរបស់ពួកគេ ការពារខ្លួនពីការគំរាមកំហែងដែលអាចកើតមាន និងកសាងទំនុកចិត្តរបស់ពួកគេតាមរយៈការដាល់ម្ដងៗ។ កម្មវិធីរយៈពេល 4 សប្ដាហ៍របស់យើងដែលមានឈ្មោះថា ដាល់ញាប់ជាប់ៗគ្នា កំពុងសម្លឹងមើលដល់ការជួយយុវជនក្នុងសហគមន៍របស់យើងកសាងទំនុកចិត្ត និងវិន័យ ខណៈដែលពួកគេកំពុងខិតខំឆ្ពោះទៅដល់គោលដៅលំហាត់ប្រាណរបស់ពួកគេ។ ក្រុមគោលដៅ អាយុ 8-26 ឆ្នាំ។ ស័ក្ដិសមសម្រាប់អ្នកចាប់ផ្ដើមដំបូង (អ្នក​ដែល​មិន​មាន​បទ​ពិសោធ​ជាមួយ​នឹង​ការ​ការពារ​ខ្លួន/លំហាត់ប្រាណ) យើងស្វាគមន៍ចំពោះគ្រប់កម្រិតជំនាញ អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

ការសាបព្រួសគ្រាប់ពូជនៃការផ្លាស់ប្តូរ “Cultivating Young Chef (ការបណ្ដុះបណ្ដាលចុងភៅវ័យក្មេង)”

ត្រៀមខ្លួនសម្រាប់រដូវក្ដៅដែលពោរពេញទៅដោយភាពសប្បាយរីករាយ អាហារ និងមិត្តភក្តិឬនៅ? ចូលរួមកម្មវិធីសហគ្រិន Farm-to-Table ដ៏គួរឱ្យរំភើបរបស់យើងសម្រាប់យុវជនដែលមានអាយុពី 16-24 ឆ្នាំ ដែលអ្នកនឹងធ្វើឱ្យដៃរបស់អ្នកកខ្វក់ ក្នុងការរៀនដាំដុះអាហារឈ្ងុយឆ្ងាញ់នៅទីក្រុង Long Beach នេះ! បន្ទាប់មក អ្នកនឹងសហការជាមួយមិត្តភក្តិថ្មីៗ ដើម្បីចម្អិនម្ហូបដ៏អស្ចារ្យ និងស្វែងយល់ពីរបៀបប្រែក្លាយការបង្កើតមុខម្ហូបរបស់អ្នកទៅជាអាជីវកម្មពិតប្រាកដ។ ត្រៀមខ្លួនដើម្បីក្របយកចំណេះដឹង បទពិសោធចម្អិនដែលមិនអាចបំភ្លេចបានមួយចំនួន និងសាបព្រួសគ្រាប់ពូជសម្រាប់អនាគតដ៏ភ្លឺស្វាងនៅក្នុងការងារអាហារប្រកបដោយនិរន្តរភាព និងសហគ្រិនភាព! អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

Algalita "Ocean Action Leadership Camp: A Summer of Science, Exploration, and Action (ជំរំភាពជាអ្នកដឹកនាំសកម្មភាពមហាសមុទ្រ៖ រដូវក្ដៅនៃវិទ្យាសាស្ត្រ ការរុករក និងសកម្មភាព)”

យុវជនទីក្រុង Long Beach ទាំងឡាយ ដល់ពេលស្វែងយល់ស៊ីជម្រៅហើយ! Ocean Action Leadership Camp គឺជាឱកាសរបស់អ្នកក្នុងការជិះទូកកាយ៉ាក់ អនុវត្តវិទ្យាសាស្ត្រពិត និងសម្អាតឆ្នេរសមុទ្ររបស់យើង—ធ្វើអ្វីៗទាំងអស់នេះខណៈការពារអណ្ដើតសមុទ្របៃតង និងជីវិតសមុទ្រផ្សេងទៀត។ នេះមិនមែនត្រឹមតែជាការរៀនសូត្រប៉ុណ្ណោះទេ—ប៉ុន្តែវាផ្ដោតលើការធ្វើសកម្មភាព។ នៅក្នុងកម្មវិធីរយៈពេលប្រាំមួយសប្ដាហ៍នេះ អ្នកនឹងស្វែងយល់ពីឆ្នេរសមុទ្រតាមរយៈការជិះជូកកាយ៉ាក់ វិភាគមីក្រូប្លាស្ទិកនៅក្នុងមន្ទីរពិសោធន៍ពិតប្រាកដ និងដឹកនាំការសម្អាតឆ្នេរដែលនឹងសម្អាតនូវគ្រឿងបំពុលរាប់រយផោនចេញពីទឹករបស់យើង។ ផ្លាស្ទិក គូទបារី ស្នោ—សំរាមមាននៅគ្រប់ទីកន្លែង ប៉ុន្តែយើងអាចរួមគ្នាសម្អាតវាបាន។ ទទួលបានពេលវេលាបម្រើសហគមន៍ ទទួលបានជំនាញក្នុងពិភពលោកពិត និងភ្ជាប់ទំនាក់ទំនងជាមួយអ្នកការពារសមុទ្រផ្សេងទៀត។ លើសពីនេះ សូមបង្ហាញពីឥទ្ធិពលរបស់អ្នកនៅក្នុងកម្មវិធីតាំងបង្ហាញចុងរដូវក្ដៅរបស់យើង! ការបោះឆ្នោតសម្រាប់កម្មវិធីនេះផ្ដល់ឱកាសដល់សិស្សានុសិស្សនៅLong Beachចំនួន 60 នាក់ ក្លាយជាអ្នកដឹកនាំក្នុងការអភិរក្សមហាសមុទ្រ ខណៈបង្កើតឱ្យមានផលយ៉ាងពិតប្រាកដលើឆ្នេរខ្សាច់ និងសត្វព្រៃក្នុងតំបន់របស់យើង។ ការពារឆ្នេរសមុទ្ររបស់យើង សង្គ្រោះជីវិតសត្វសមុទ្រ និងបង្កើតរលក—បោះឆ្នោតឱ្យ Ocean Action Leadership Camp! អានបន្ថែម...

តម្លៃប៉ានស្មាន: $50,000

ជ្រើសរើស     ដកចេញ

Jazz Angels "Becoming a Long Beach Music Icon (ក្លាយជាតំណាងតន្ត្រីនៅទីក្រុង Long Beach)"

យើងនឹងផ្ដល់ជូនថ្នាក់រដូវក្ដៅម្តងក្នុងមួយសប្ដាហ៍សម្រាប់រយៈពេល 8 សប្ដាហ៍ ដើម្បីណែនាំសិស្សអំពីមូលដ្ឋានគ្រឹះនៃតន្ត្រី។ អ្នកចូលរួមនឹងមានពេលពីរថ្ងៃបន្ថែមទៀត ដើម្បីចូលរួម Jam Sessions ដើម្បីអនុវត្តជាមួយគ្នា បន្តបង្កើតសហគមន៍ និងគាំទ្រគ្នាទៅវិញទៅមកតាមរយៈដំណើរការសិក្សាតន្ត្រីរបស់ពួកគេ។ នៅចុងបញ្ចប់នៃកម្មវិធី អ្នកចូលរួមនឹងបង្ហាញពីទេពកោសល្យដែលបានរៀនសូត្រថ្មីៗរបស់ពួកគេ និងចែករំលែកភាពច្នៃប្រឌិតផ្នែកតន្ត្រីរបស់ពួកគេជាមួយសហគមន៍ទីក្រុង Long Beach។ វគ្គ 60 នាទី 1-ថ្ងៃក្នុងមួយសប្ដាហ៍នៃការរៀនតាមកាលវិភាគ 2-ថ្ងៃបន្ថែមក្នុងមួយសប្ដាហ៍សម្រាប់ការអនុវត្ត Jam Sessions ស័ក្ដសមសម្រាប់អ្នកចាប់ផ្ដើមដំបូង និងស្វាគមន៍សម្រាប់គ្រប់កម្រិត 5 កម្រិត និងប្រភេទក្រុមតន្រ្តីជាក់លាក់ គ្រូបង្រៀនជំនាញគ្រប់កម្រិត និងប្រភេទ មានផ្ដល់ជូនឧបករណ៍ បើចាំបាច់ រាល់សប្ដាហ៍នឹងកសាងជំនាញដែលបានរៀន កម្មវិធី/សកម្មភាព និងលទ្ធផល ការផ្ដល់កន្លែងប្រកបដោយសុវត្ថិភាព និងច្នៃប្រឌិតសម្រាប់យុវជន និងមនុស្សវ័យជំទង់ពីគ្រប់សាវតារ វប្បធម៌ សេដ្ឋកិច្ចសង្គម។ ផ្ដល់បញ្ជរច្នៃប្រឌិត និងកន្លែងសម្រាប់ភ្ជាប់ទំនាក់ទំនងយុវជនជាមួយសិល្បករផ្សេងទៀត។ អភិវឌ្ឍជំនាញតន្ត្រី បង្កើតទម្លាប់ល្អ និងជំនាញដោះស្រាយតាមរយៈតន្ត្រី ជំរុញភាពអត់ធន់ និងផ្នត់គំនិតរីកចម្រើន កសាងសហគមន៍ កាត់បន្ថយភាពតានតឹងផ្លូវចិត្ត សង្គម និងអាកប្បកិរិយា អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

មជ្ឈមណ្ឌលអ្នកស្ម័គ្រចិត្ត “Impact Makers: Act Now Long Beach (អ្នកបង្កើតឥទ្ធិពល៖ ធ្វើសកម្មភាពឥឡូវនេះនៅទីក្រុង Long Beach)”

ពេលវេលារបស់អ្នក។ ទីក្រុងរបស់អ្នក។ ឥទ្ធិពលរបស់អ្នក។ ចេញទៅក្រៅ ផ្ដល់ឱ្យត្រឡប់មកវិញ និងភ្ជាប់ទំនាក់ទំនងជាមួយយុវជនផ្សេងទៀតនៅក្នុង Long Beach តាមរយៈសេវាសហគមន៍ដោយផ្ទាល់។ Impact Makers: Empower Long Beach (អ្នកបង្កើតឥទ្ធិពល៖ ផ្ដល់ភាពអង់អាចដល់ទីក្រុង Long Beach) គឺជាកម្មវិធីស្ម័គ្រចិត្តរដូវក្ដៅដែលដឹកនាំដោយយុវជន ដែលអ្នកនឹងដោះស្រាយបញ្ហាពិតប្រាកដ។ មានមនុស្សច្រើនពេកនៅក្នុងទីក្រុងរបស់យើងមានការលំបាកជាមួយបញ្ហាភាពគ្មានផ្ទះសម្បែង ភាពអត់ឃ្លាន និងកង្វះធនធាន។ ទីក្រុង Long Beach មានអត្រានៃភាពក្រីក្រខ្ពស់ជាងមធ្យមភាគជាតិ ដែលមានប្រជាជនរស់នៅ 23% និងកុមារ 33% រស់នៅក្នុងភាពក្រីក្រ។ ក្នុងរយៈពេលជាងប្រាំសប្ដាហ៍ អ្នកនឹងចូលរួមក្នុងគម្រោងសេវាកម្មដោយផ្ទាល់ - ចាប់ពីការវេចខ្ចប់ និងការចែកចាយឧបករណ៍អនាម័យ អាហារ និងរបស់ក្មេងលេងដល់កុមារ និងក្រុមគ្រួសារ រហូតដល់ការសម្អាតសួនឧទ្យាន និងសហគមន៍របស់យើង។ ដោយត្រូវបានរៀបចំឡើងដោយ Volunteer Center Long Beach (មជ្ឈមណ្ឌលស្ម័គ្រចិត្តនៅទីក្រុង Long Beach) គំនិតផ្តួចផ្តើមនេះជំរុញទំនាក់ទំនងសង្គម ការផ្ដល់ភាពអង់អាចដល់យុវជន និងឥទ្ធិពលដល់ពិភពលោកពិត តាមរយៈការថែទាំសហគមន៍។ លើសពីនេះ អ្នកនឹងទទួលបានម៉ោងសេវាកម្ម និងវិញ្ញាបនបត្រនៃការបញ្ចប់វគ្គ ដើម្បីជំរុញប្រវត្តិរូបរបស់អ្នក! នេះ​មិន​មែន​គ្រាន់​តែ​ជា​ការ​ផ្ដល់ត្រឡប់មក​វិញ​ទេ - វា​ជា​ការ​ផ្លាស់​ប្តូរ​ដែល​អ្នក​ចង់​ឃើញ។ អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

Queersplanation “Off Script: A Youth-Led Summer of Community Care (Off Script៖ រដូវក្ដៅនៃការថែទាំសហគមន៍ដែលដឹកនាំដោយយុវជន)”

Off Script គឺជាកម្មវិធីរដូវក្ដៅដែលដឹកនាំដោយយុវជនដែលផ្ដល់ភាពអង់អាចដល់យុវជនទីក្រុង Long Beach ដែលមានអាយុពី 14-17 និង 18-24 តាមរយៈការច្នៃប្រឌិត សុខភាព និងការថែទាំសហគមន៍។ តើនរណាប្រាប់អ្នកថាអ្នកនឹងក្លាយទៅជាអ្វី? Off Script គឺជាសេរីភាព។ ការអញ្ជើញនារដូវក្ដៅឱ្យឈានហួសពីបន្ទាត់ខណ្ឌដែលបានគូសសម្រាប់អ្នក ដើម្បីចាប់យកប៊ិកមកសរសេរសាច់រឿងរបស់អ្នកឡើងវិញ។ រយៈពេលប្រាំមួយសប្ដាហ៍នៅក្នុងទីក្រុង Long Beach។ យុវជនអាយុ 14-17 និង 18-24 ប្រមូលផ្តុំនៅក្នុងរង្វង់ដែលបានរៀបចំចំនួនពីរ ដើម្បីសើចសប្បាយ សះស្បើយឡើងវិញ បង្កើត និងភ្ជាប់ទំនាក់ទំនង ជាមួយអ្នកផ្សេងទៀតដែលពិតជាយល់អំពីពួកគេ។ ស្រមៃមើលនូវរូបភាពនៃការចែវក្ដាបន្ទះទៅរកភាពក្លាហាន គូសវាសនូវការពិតដោយប្រើពណ៌មួយដែលមិនធ្លាប់បានឃើញ ដកដង្ហើមដោយទំនុកចិត្តជាមួយនឹងការដើរលក្ខណៈធម្មជាតិ ឬដៃដ៏មានជំនាញក្នុងការជួយសង្គ្រោះជីវិតតាមរយៈ CPR។ រាល់ដំណើរផ្សងព្រេង រាល់សិក្ខាសាលា កាន់តែខិតមកជិតអ្នកមួយជំហានទៀត។ នៅទីនេះ ការដឹងអំពីការប៉ះទង្គិចផ្លូវចិត្ត មិនមែនគ្រាន់តែជាពាក្យនិយមប្រើទេ— នេះគឺដើម្បីឱ្យអ្នកដឹងថាពាក្យសម្ដីរបស់អ្នកមានតម្លៃ ព្រំដែនរបស់អ្នកគឺសំខាន់ អត្តសញ្ញាណ​របស់​អ្នក​ត្រូវ​បានអបអរសាទរ—ជាពិសេសគឺមាន​ការ​លើក​តម្កើង BIPOC និងយុវជន LGBTQIA+។ Off Script គឺលើសពីត្រឹមតែជាកម្មវិធីមួយ។ វាជាការសរសេរឡើងវិញឱ្យមានភាពងាយស្រួលយល់ ការទាមទារយកមកវិញនូវលំហ ដែលជាសហគមន៍មួយដែលផ្សារភ្ជាប់គ្នា ដោយភាពស្មោះត្រង់ ការយល់ចិត្ត និងការយកចិត្តទុកដាក់។ រដូវក្ដៅនេះ សូមទុកការអនុវត្តការងារនៅមួយឡែក ហើយឈានជើងចូលទៅក្នុងភាពចុះសម្រុងគ្នា។ សាច់រឿងរបស់អ្នកមានសារសំខាន់។ សរសេរតាមរបៀបរបបរបស់អ្នក—មិនប្រើស្គ្រីប។ អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

LB Bike Co-Op “Long Beach Wheels (កងវិលទីក្រុង Long Beach)”

កងវិលទីក្រុង Long Beach គឺជាកម្មវិធីមធ្យោបាយដឹកជញ្ជូនសម្រាប់យុវជនដ៏ទូលំទូលាយមួយដែលត្រូវបានរចនាឡើង ដើម្បីជួយយុវជនទីក្រុង Long Beach (អាយុ 13-20 ឆ្នាំ) ឱ្យទទួលបានឯករាជ្យ សន្សំប្រាក់ និងមានសុវត្ថិភាព។ នឹងមានកម្មវិធីពីរគឺ “Build a bike” (បង្កើតកង់) និង "Training for Transit” (ការបណ្តុះបណ្តាលសម្រាប់ការធ្វើដំណើរ)។ អ្នកចូលរួមនៅក្នុងកម្មវិធី "Build a bike" (អាយុ 15-20 ឆ្នាំ) នឹងរៀនផ្នែកមេកានិករបស់កង់ស៊ីជម្រៅបន្ថែមលើជំនាញជាក់ស្តែងដូចជា សុវត្ថិភាពកង់ ច្បាប់ចរាចរណ៍ និងការថែទាំជាមូលដ្ឋាន។ អ្នកចូលរួមម្នាក់ៗនឹងរក្សាទុកកង់ដែលពួកគេបានបង្កើតបាន។ អ្នកចូលរួមម្នាក់ៗក៏នឹងទទួលបានឧបករណ៍សម្រាប់ការថែទាំតាមដងផ្លូវ និងឧបករណ៍សុវត្ថិភាពចាំបាច់ផងដែរ ដូចជាមួកសុវត្ថិភាព អំពូលភ្លើង ឧបករណ៍ចំណាំងផ្លាត និងសោ នៅពេលបញ្ចប់វគ្គបណ្តុះបណ្តាល។ អ្នកចូលរួមនៅក្នុងកម្មវិធី "Training for Transit" (អាយុ 13-17) នឹងរៀនសូត្រពីរបៀបប្រើប្រាស់ផ្លូវឆ្លងដំណើរសាធារណៈ និងកាលវិភាគ។ កម្មវិធីនេះក៏រួមបញ្ចូលផងដែរនូវការធ្វើដំណើរតាមរថយន្តក្រុង និងរថភ្លើងទៅកាន់គោលដៅសប្បាយៗក្នុងតំបន់ ដូច្នេះយុវជនអាចអនុវត្តការមើលផែនទី និងការប្រើប្រាស់ជំនាញថ្មីរបស់ពួកគេក្នុងស្ថានភាពជីវិតពិត។ ទិសដៅនោះនឹងជាហ្គេម LA Galaxy និងដំណើរកម្សាន្តសម្រាប់អាហារថ្ងៃត្រង់ និងការដើរទិញអីវ៉ាន់នៅ Little Tokyo។ តាមរយៈការផ្ដល់ភាពអង់អាចដល់យុវជនឱ្យពឹងផ្អែកតិចតួចលើរថយន្ត និងការចំណាយថ្លៃសាំង កម្មវិធីកងវិលទីក្រុង Long Beach គាំទ្រដល់របៀបរស់នៅដែលមានសុខភាពល្អ និរន្តរភាពបរិស្ថាន និងលទ្ធភាពចូលរួមព្រឹត្តិការណ៍សាលារៀន ការងារ និងសហគមន៍។ កម្មវិធីនេះធានាថា យុវជនទទួលបានទំនុកចិត្ត ឯករាជ្យភាព និងចំណេះដឹងដែលត្រូវការ ដើម្បីធ្វើការជ្រើសរើសមធ្យោបាយដឹកជញ្ជូន ដែលផ្ដល់អត្ថប្រយោជន៍ដល់ខ្លួន ក្រុមគ្រួសាររបស់ពួកគេ និងសហគមន៍ទីក្រុង Long Beach ដ៏ទូលំទូលាយ។ អានបន្ថែម...

តម្លៃប៉ានស្មាន: $12,000

ជ្រើសរើស     ដកចេញ

Our Generation Cares "Car and Driver Ed: Drive Smart, Own Responsibility (ចំណេះដឹងផ្នែករថយន្ត និងអ្នកបើកបរ៖ បើកបរឆ្លាតវៃ ទទួលខុសត្រូវដោយខ្លួនឯង)”

វគ្គរថយន្ត និងអ្នកបើកបរ 101 ដែលធ្វើបទបង្ហាញដោយ Our Generation Cares (ការថែទាំជំនាន់របស់យើង, OGC) ទទួលស្គាល់ថា មធ្យោបាយដឹកជញ្ជូនគឺជាកត្តាសំខាន់នៅក្នុងឱកាសសេដ្ឋកិច្ច។ លើសពីការផ្ដល់អាជ្ញាបណ្ណ កម្មវិធីរបស់យើងរួមបញ្ចូលការរៀនសូត្របែបឌីជីថល បទពិសោធបើកបរដោយផ្ទាល់ និងការត្រៀមកម្លាំងពលកម្ម ដែលបង្កើតបរិយាកាសសិក្សាដែលអាចសម្របខ្លួនបាន និងអាចទទួលបាន ដែលរៀបចំយុវជនសម្រាប់ការបើកបរក្នុងពិភពលោកពិត និងឱកាសការងារ។ ការបណ្តុះបណ្តាលត្រូវបានដឹកនាំដោយគ្រូដែលមានវិញ្ញាបនបត្របញ្ជាក់ DMV មិនថាដោយផ្ទាល់ ឬតាមអ៊ីនធឺណិត ដែលធានាថាអ្នកចូលរួមទទួលបានការអប់រំដែលអនុម័តដោយរដ្ឋ ដែលបំពេញតាមស្តង់ដាសុវត្ថិភាព និងស្តង់ដាណែនាំ។ អ្នកចូលរួមដែលមានអាយុក្រោម 15 ឆ្នាំ ½ នឹងចូលរួមក្នុងការអប់រំមុនក្លាយជាអ្នកបើកបរ ការយល់ដឹងអំពីសុវត្ថិភាពចរាចរណ៍ និងការបណ្តុះបណ្តាលរថយន្តដោយផ្ទាល់ ដោយធានាថាពួកគេត្រូវបានបំពាក់បំប៉នបានយ៉ាងពេញលេញ នៅពេលមានសិទ្ធិទទួលបានអាជ្ញាបណ្ណ។ តាមរយៈការរួមបញ្ចូលការបណ្តុះបណ្តាលអំពីភាពជាអ្នកដឹកនាំ និងការត្រៀមកម្លាំងពលកម្ម អ្នកចូលរួមទទួលបានទំនុកចិត្ត និងជំនាញក្នុងការប្រើប្រាស់ការចល័តជាឧបករណ៍សម្រាប់ភាពរីកចម្រើនក្នុងអាជីព ភាពគ្រប់គ្រាន់សម្រាប់ខ្លួនឯង និងឥទ្ធិពលដល់សហគមន៍។ អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

ការអភិវឌ្ឍជំនាញវរជន “EmpowerED: Life Skills for Success (EmpowerED៖ បំណិនជីវិតដើម្បីជោគជ័យ)”

EmpowerED នៅទីនេះដើម្បីជួយអ្នកបោះជំហានប្រកបដោយទំនុកចិត្តទៅកាន់អនាគតរបស់អ្នក។ កម្មវិធីពោរពេញទៅដោយថាមពលនេះនិយាយអំពីការផ្តល់ឱ្យអ្នកនូវឧបករណ៍នៅក្នុងជីវិតពិតដែលអ្នកត្រូវការដើម្បីដោះស្រាយបញ្ហាប្រឈមប្រចាំថ្ងៃដូចអ្នកជំនាញ។ មិនថាការរៀនពីរបៀបគ្រប់គ្រងប្រាក់ ដោះស្រាយការបោកគក់ប្រចាំថ្ងៃ ឬញ៉ាំអាហារនោះទេ - EmpowerED នៅចាំជួយអ្នក។ អ្នកនឹងអនុវត្តជំនាញក្នុងស្ថានភាពជីវិតពិត ទទួលបានការណែនាំពីអ្នកណែនាំដែលមានបទពិសោធ និងចេញទៅវិញជាមួយនឹងឧបករណ៍ដេរ ឈុតឧបករណ៍ ឧបករណ៍សង្គ្រោះបឋម សម្ភារៈចាំបាច់សម្រាប់រៀបចំអាហារ និងថែមទាំងសម្ភារៈផ្គត់ផ្គង់ត្រៀមសម្រាប់សង្គ្រោះបន្ទាន់ផងដែរ។ EmpowerED ក៏មាន Personal Growth Power-Ups (ការជំរុញភាពរីកចម្រើនផ្ទាល់ខ្លួន) ដែលរៀបរាប់អំពីការគ្រប់គ្រងវត្តមាននៅលើប្រព័ន្ធបណ្ដាញសង្គមរបស់អ្នក ធ្វើការសម្រេចចិត្តដ៏លំបាក និងការកំណត់ព្រំដែន ដោយដឹងថាពេលណាត្រូវនិយាយថា 'ទេ' និងរបៀបដែលអ្នកអាចផ្តល់ត្រឡប់ទៅសហគមន៍របស់អ្នកតាមរយៈការងារស្ម័គ្រចិត្ត។ បើកទទួលចំពោះអ្នកមានអាយុ 10-21 ឆ្នាំ។ EmpowerED នឹងរៀបចំវគ្គបណ្តុះបណ្តាលរយៈពេលបីថ្ងៃ ដល់កុមារដែលមានអាយុពី 10 ទៅ 14 ឆ្នាំ សម្រាប់រយៈពេលសរុប 12 ម៉ោង។ យើងក៏នឹងផ្តល់ជូននូវវគ្គលម្អិតរយៈពេលបួនថ្ងៃសម្រាប់កុមារដែលមានអាយុ 14+ សម្រាប់រយៈពេលសរុប 16 ម៉ោង។ EmpowerED ធ្វើជាមូលដ្ឋានគ្រឹះក្នុងការបង្កើនភាពគ្រប់គ្រាន់សម្រាប់ខ្លួនឯង និងការសម្រេចបាននូវស្ថិរភាពហិរញ្ញវត្ថុរយៈពេលវែង។ ចូលរួមជាមួយ EmpowerED ថ្ងៃនេះ — និងបោះជំហានដំបូងឆ្ពោះទៅកាន់ការកាន់កាប់ជីវិតរបស់អ្នក។ អានបន្ថែម...
វីដេអូក្នុងយូធូប

តម្លៃប៉ានស្មាន: $42,400

ជ្រើសរើស     ដកចេញ

“Summer Mural Camp Vision for ‘28 (ចក្ខុវិស័យគម្ពីររដូវក្តៅឆ្នាំ ២០២៨)” Arts Council for Long Beach

ចំណាយរដូវក្តៅរបស់អ្នកក្នុងនាមជាសិល្បករជាសាធារណៈនៅជិតទឹក ហើយក្លាយជាផ្នែកមួយនៃមរតករបស់ Long Beach សម្រាប់ឆ្នាំ ២០២៨! ក្រុមប្រឹក្សាសិល្បៈសម្រាប់ Long Beach កំពុងស្នើសុំថវិកាសម្រាប់គំនូរជញ្ជាំងមួយដែលត្រូវបានរចនានិងបង្កើតដោយយុវជន នៅជិតទឹកក្នុងផ្សារទំនើប Marina Pacifica នៅ Long Beach។ យុវជននឹងចូលរួមគ្រប់ជំហាននៃគំនូរជញ្ជាំងថ្មីនេះ។ មកចូលរួមជាមួយសិល្បករដ៏ជំនាញ ដើម្បីរៀនពីគ្រប់ជំហាននៃការជាសិល្បករជាសាធារណៈ។ អនុវត្តន៍ការចូលរួមសង្គម (ការសហការជាមួយអ្នកជិតខាង) និងការថែរក្សា (ការរក្សា និងការពារស្នាដៃសិល្បៈ) ខណៈដែលធ្វើការជាមួយទីក្រុងនិងសហគមន៍របស់អ្នក។ សូមរៀនបន្ថែមអំពីជំនាញដូចខាងក្រោម៖ ការថតវីដេអូ ស្ទីលផ្ដិតស្ព្រេ ការរចនា ថតរូប ទីផ្សារ ស្មារតីច្នៃប្រឌិត ការសហការជាមួយសិល្បករជាសាធារណៈ ជំនាញបច្ចេកទេសទាំងនេះអាចផ្ទេរទៅជាជំនាញការងារផ្សេងទៀតបាន។ វានឹងផ្តល់លទ្ធផលជាសិល្បៈសាធារណៈដ៏ស្រស់ស្អាត និងមានប្រវត្តិសាស្ត្រ។ ជាមួយនឹងសន្លឹកឆ្នោតរបស់អ្នក យើងនឹងចាប់ផ្ដើមនៅរដូវក្តៅ។ អ្នកចូលរួមអាចទទួលបានម៉ោងស្ម័គ្រចិត្ត ឬប្រាក់ឧបត្ថម្ភសម្រាប់ការងាររបស់ពួកគេ។ ម្យ៉ាងទៀត អាហារពីភោជនីយដ្ឋានស្រុកកំណើតដែលអ្នកស្រឡាញ់នឹងមានផ្តល់ឱ្យក្នុងគ្រប់សម័យ! បើកសម្រាប់វ័យ ១២-២៦ ឆ្នាំ។ អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ

The Blacc Sheep "Youth cosmetology master class (ថ្នាក់ជំនាញកែសម្ផស្សសម្រាប់យុវវ័យ)"

តើអ្នកធុញថប់ដោយមិនដឹងថាគោលបំណងរបស់អ្នកគឺជាអ្វីមែនទេ? ការអូសចុះអូសឡើងនៅលើបណ្ដាញសង្គម មើលឃើញមនុស្សគ្រប់គ្នាធ្វើការដើម្បីសម្រេចគោលបំណងរបស់ពួកគេ! សូមអញ្ជើញមកចូលរួមកម្មវិធីកែសម្ផស្សដោយឥតគិតថ្លៃរបស់យើង (អាយុ 8-18 ឆ្នាំ) ដែលជាកន្លែងដែលលទ្ធភាពគ្មានទីបញ្ចប់។ ច្នៃម៉ូតសក់ កាត់សក់ ក្រចក និងថែរក្សាស្បែក។ នៅពេលអ្នកចូលរួមក្នុងកម្មវិធីរបស់យើង អ្នកអាចចូលរួមជាមួយមិត្តភក្តិដែលមានគំនិតដូចគ្នា និងស្វែងរកសហគមន៍របស់អ្នក។ សិស្សនឹងទទួលបានកាតកាដូ $50 ជារៀងរាល់សប្តាហ៍ នៅពេលបញ្ចប់ថ្នាក់រៀនរបស់ពួកគេ សម្រាប់រយៈពេល 6 សប្តាហ៍។ រៀននៅក្នុងហាងកែសម្ផស្សពិតៗ និងទទួលបានឧបករណ៍ផាត់មុខ ក្រចក និងសក់ ដើម្បីចាប់ផ្តើម! អានបន្ថែម...
វីដេអូក្នុងយូធូប

តម្លៃប៉ានស្មាន: $40,000

ជ្រើសរើស     ដកចេញ

ស្នេហា​លើសពីដែនកំណត់ “Summer Leadership Experience (បទពិសោធភាពជាអ្នកដឹកនាំរដូវក្តៅ)”

សប្បាយថ្ងៃនេះ ត្រៀមអនាគតនៅថ្ងៃស្អែក! យើងផ្តល់ជូនយុវជននូវឱកាសរីករាយ និងអន្តរកម្ម ដើម្បីត្រៀមខ្លួនសម្រាប់អាជីពនាពេលអនាគតរបស់ពួកគេ។ យើងនឹងជួយលើកកម្ពស់បុគ្គលដែលមានសមត្ថភាពគ្រប់ជ្រុងជ្រោយ មានទំនុកចិត្ត និងមានសមត្ថភាព ដែលនឹងត្រៀមខ្លួនរួចជាស្រេចដើម្បីរួមចំណែកដល់សង្គម។ លទ្ធផលដែលយើងស្វែងរកគឺការកសាងជំនាញ ការត្រៀមខ្លួនសម្រាប់អាជីព និងការអភិវឌ្ឍផ្ទាល់ខ្លួនទាំងមូល។ អានបន្ថែម...

តម្លៃប៉ានស្មាន: $50,000

ជ្រើសរើស     ដកចេញ

សភាពាណិជ្ជកម្មឡាទីនទីក្រុង Long Beach “NextGen Executives: Youth Night Market (នាយកប្រតិបត្តិជំនាន់បន្ទាប់៖ ផ្សាររាត្រីយុវជន)”

នាយកប្រតិបត្តិជំនាន់បន្ទាប់៖ ផ្សាររាត្រីយុវជន គឺជាកន្លែងផ្លាស់ប្តូរសម្រាប់យុវជនដែលមានអាយុពី 8-24 ឆ្នាំ ដែលត្រៀមខ្លួនរួចជាស្រេចដើម្បីប្រែក្លាយគំនិតរបស់ពួកគេទៅជាអាជីវកម្មពិតប្រាកដ និងគ្រប់គ្រងអនាគតរបស់ពួកគេ។ យុវជនជាច្រើននៅក្នុងទីក្រុង Long Beach ជាពិសេសមកពីសហគមន៍ដែលទទួលបានអត្ថប្រយោជន៍តិចតួច មានចំណង់ចំណូលចិត្ត និងគំនិតច្នៃប្រឌិតដើម្បីទទួលបានជោគជ័យ ប៉ុន្តែខ្វះលទ្ធភាពទទួលបានការណែនាំ ចំណេះដឹងផ្នែកហិរញ្ញវត្ថុ និងការបណ្តុះបណ្តាលជួបដោយផ្ទាល់។ កម្មវិធីជួបដោយផ្ទាល់រយៈពេល 6 សប្តាហ៍នេះ ផ្តល់នូវចំណេះដឹង ការណែនាំ និងជំនួយក្នុងការចាប់ផ្តើមអាជីវកម្មដែលត្រូវការដើម្បីបំបែកឧបសគ្គ និងកសាងអាជីវកម្មជោគជ័យ។ អ្នកចូលរួមនឹងជួបប្រជុំគ្នាពីរដងក្នុងមួយសប្តាហ៍សម្រាប់វគ្គ 2 ម៉ោង ដោយទទួលបានជំនាញក្នុងពិភពពិត ដើម្បីមិនត្រឹមតែប្រកួតប្រជែងសម្រាប់ការងារប៉ុណ្ណោះទេ ប៉ុន្តែត្រូវបង្កើតការងារ - ពង្រឹងសហគមន៍អាជីវកម្មខ្នាតតូចរបស់ទីក្រុង Long Beach កសាងភាពចល័តនៃសេដ្ឋកិច្ច និងត្រួសត្រាយផ្លូវសម្រាប់ទ្រព្យសម្បត្តិបន្តជំនាន់នៅក្នុងតំបន់ដែលមិនទាន់បានផ្ដល់តម្លៃជាប្រវត្តិសាស្ត្រ។ តាមរយៈការបោះឆ្នោតឱ្យនាយកប្រតិបត្តិជំនាន់បន្ទាប់៖ ផ្សាររាត្រីយុវជន អ្នកកំពុងវិនិយោគលើសហគ្រិនជំនាន់ក្រោយ អ្នកបង្កើតឱ្យមានផ្លាស់ប្តូរ និងអ្នកដឹកនាំអាជីវកម្ម។ សូមផ្ដល់ភាពអង់អាចដល់យុវជន ពង្រីកសេដ្ឋកិច្ចរបស់យើង និងបង្កើតឱកាសយូរអង្វែងសម្រាប់ទីក្រុង Long Beach! អានបន្ថែម...
វីដេអូក្នុងយូធូប

តម្លៃប៉ានស្មាន: $50,000

ជ្រើសរើស     ដកចេញ